Cefndir CLC Gyf

Mae Cymdeithas Lyfrau Ceredigion Gyf yn gwmni cyhoeddi bychan a blaengar a sefydlwyd yn 1954 ac a leolir yn Aberystwyth.

Dan oruchwyliaeth un swyddog llawn-amser a dau swyddog rhan-amser cyhoeddir hyd at 20 teitl y flwyddyn yn cynnwys llyfrau Cymraeg i blant, llyfrau Cymraeg i oedolion a rhai llyfrau Saesneg i oedolion.

CLC Gyf sy’n cyhoeddi straeon hynod boblogaidd Sali Mali a’i ffrindiau ynghyd â llyfrau lliwgar eraill i blant bach; nofelau i blant cynradd a rhai yn eu harddegau, yn llyfrau gwreiddiol ac yn addasiadau dethol.

Cynigir amrywiaeth eang o deitlau i oedolion yn cynnwys llyfrau ar hanes lleol ac atgofion, nofelau, barddoniaeth, dramâu, cyfeirlyfrau a myfyrdodau.

Enillodd teitlau CLC Gyf y gwobrau llyfrau canlynol:
Gwobrau Diwydiant Cyhoeddi 2007 - am Y Golygiadur ac Hogan Mam, Babi Jam
Gwobr Tir na n-Og 2005 - Eco, Emily Huws
Gwobr Tir na n-Og 2006 - Carreg Ateb, Emily Huws
Gwerthwr Gorau Llyfrau Plant 2005 - Jac y Jwc ar y Fferm, Dylan Williams a Gordon Jones

Roedd Babi Gwyrdd gan Emily Huws ar restr fer Gwobr Tir na n-Og 2007

Dylan Williams
Rheolwr CLC Gyf